മലപ്പുറം : വാഴയൂരില്‍ ഭര്‍ത്താവിന്‍റെ ക്രൂര മര്‍ദനത്തില്‍ യുവതിക്ക് കാഴ്‌ച നഷ്‌ടപ്പെട്ടു. സംഭവത്തില്‍ ഭര്‍ത്താവ് അറസ്റ്റിലായി. കൊണ്ടോട്ടി സ്വദേശി നാഫിയക്കാണ് ഗുരുതരമായി പരിക്കേറ്റ് കാഴ്‌ച നഷ്ടമായത്. വാഴയൂര്‍ സ്വദേശി കൈതൊടി ഫിറോസ് ഖാനാണ് പിടിയിലായത്.
ജൂണ്‍ 15നാണ് കേസിനാസ്‌പദമായ സംഭവം. കുളിമുറിയില്‍ പോയ ഭര്‍ത്താവ് തോര്‍ത്ത് ആവശ്യപ്പെട്ടു. എന്നാല്‍ നാഫിയ തോര്‍ത്ത് എത്തിക്കാന്‍ വൈകിയെന്നാരോപിച്ച് ഭര്‍ത്താവ് ബെല്‍റ്റ് കൊണ്ട് അടിച്ചതോടെ കണ്ണില്‍ കൊള്ളുകയായിരുന്നു. അടിയേറ്റ ഉടന്‍ തന്നെ കുഴഞ്ഞ് വീണ നാഫിയയെ ഭര്‍ത്താവും ഭര്‍തൃ മാതാവും ചേര്‍ന്ന് കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു.
ഭര്‍ത്താവിന്‍റെ മര്‍ദനത്തില്‍ ഭാര്യക്ക് കാഴ്‌ച നഷ്‌ടപ്പെട്ടു