മലപ്പുറം ആനക്കരയിൽ വാഹനാപകടം; രണ്ട് പേർ മരിച്ചു

ഗുഡ്‌സ് ഓട്ടോയും പാസഞ്ചര്‍ ഓട്ടോയും കൂട്ടിയിടിച്ചാണ് അപകടമുണ്ടായത്

മലപ്പുറം: ആനക്കരയില്‍ ഗുഡ്‌സ് ഓട്ടോയും പാസഞ്ചര്‍ ഓട്ടോയും കൂട്ടിയിടിച്ച് അപകടം. അപകടത്തില്‍ രണ്ട് പേര്‍ മരിച്ചു. ഞായറാഴ്ച്ച രാത്രി 7.30ഓടെയാണ് അപകടം ഉണ്ടായത്. ആനക്കര ചേക്കോട് കോറാത്ത് മുഹമ്മദ്, മലപ്പുറം ആതവനാട് പാറ വെട്ടിക്കാട്ട് വീട്ടില്‍ സെയ്ഫുദീന്‍ എന്നിവരാണ് മരിച്ചത്. അപകടത്തെ തുടര്‍ന്ന് ഗുരുതരമായി പരിക്കേറ്റ ഇരുവരേയും എടപ്പാളിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.