ലഹരിയോടല്ല, ജീവിതത്തോടാകട്ടെ ആസക്തി: ബോധവത്ക്കരണ ക്ലാസും വിമുക്തി ജ്വാലയും

എക്സൈസ് വകുപ്പ് പൊന്നാനി റേഞ്ചിന്‍റെയും റാഫ് പൊന്നാനി താലൂക്ക് കമ്മിറ്റിയുടെയും സഹകരണത്തോടെ കേരള സംസ്ഥാന എക്സൈസ് വകുപ്പും വിമുക്തി മിഷനും സംയുക്തമായാണ് ലഹരിക്കെതിരെ ബോധവത്ക്കരണ ക്ലാസും വിമുക്തി ജ്വാലയും സംഘടിപ്പിച്ചത്.

മലപ്പുറം: ആസക്തി ലഹരിയോടല്ല ജീവിതത്തോടാകട്ടെ എന്ന സന്ദേശവുമായി എടപ്പാളിൽ വിമുക്തി ജ്വാല തെളിയിച്ചു. എക്സൈസ് വകുപ്പ് പൊന്നാനി റേഞ്ചിന്‍റെയും റാഫ് പൊന്നാനി താലൂക്ക് കമ്മിറ്റിയുടെയും സഹകരണത്തോടെ വട്ടംകുളം ജങ്ഷനിൽ കേരള സംസ്ഥാന എക്സൈസ് വകുപ്പും വിമുക്തി മിഷനും സംയുക്തമായി ലഹരിക്കെതിരെ ബോധവത്ക്കരണ ക്ലാസും വിമുക്തി ജ്വാലയും തെളിയിച്ചു. പൊന്നാനി എക്സൈസ് ഇൻസ്പെക്‌ടർ എ.ടി ജോബി ലഹരിക്കെതിരെ പ്രതിജ്ഞ ചൊല്ലിക്കൊടുത്തു. സിവിൽ എക്സൈസ് ഓഫീസർ പ്രമോദ് പി ബോധവത്ക്കരണ ക്ലാസ് എടുക്കുകയും വിമുക്തി ജ്വാലക്ക് നേതൃത്വം നൽകുകയും ചെയ്‌തു. കൂടാതെ, ലഘുലേഖ വിതരണവും നടത്തി. പരിപാടിയിൽ നാട്ടുകാരും റാഫിന്‍റെ പ്രവർത്തകരും പ്രിവന്‍റീവ് ഓഫീസർ വി.ആർ. രാജേഷ് കുമാർ, സിവിൽ എക്സൈസ് ഓഫീസർ പ്രമോദ് പി.പി. എന്നിവരും പങ്കെടുത്തു.