മലപ്പുറം: അമ്മയുടെ കാമുകന് വീട്ടു തടങ്കലില്‍ പാര്‍പ്പിച്ച് പെണ്‍കുട്ടിയെ ലൈംഗികമായി പീഡനത്തിനിരയാക്കിയ കേസില്‍ അമ്മ അറസ്റ്റില്‍. മലപ്പുറം ചൈല്‍ഡ് ലൈനിന്‍റെ സഹായത്തോടെ പതിനൊന്നുകാരിയെ പൊലീസ് രക്ഷപെടുത്തി. കാമുകനൊപ്പം നാടു വിട്ടെത്തിയ യുവതിയാണ് മകളെ ക്രൂരമായി പീഡിപ്പിക്കുന്നതിന് കൂട്ടു നിന്നത്.
ഭര്‍ത്താവുമായി അകന്നു കഴിഞ്ഞിരുന്ന യുവതി മറ്റൊരു ജില്ലയില്‍ നിന്ന് വന്നാണ് മലപ്പുറത്ത് താമസമാരംഭിച്ചത്. കുട്ടിയെ പുറംലോകവുമായി ബന്ധപ്പെടാനോ പരാതി പറയാനോ അനുവദിച്ചിരുന്നില്ല. പെണ്‍കുട്ടി നിരന്തരം ക്രൂരമായ പീഡനത്തിന് ഇരയാവുകയായിരുന്നുവെന്നാണ് അന്വേഷണത്തില്‍ വ്യക്തമായത്.