'ചെറിയാൻ ഫിലിപ്പ് വരുന്നത് കരുത്താകും' ; കോണ്‍ഗ്രസിലേക്ക് സ്വാഗതം ചെയ്ത് കെ. മുരളീധരൻ

ചെറിയാന്‍ ഫിലിപ്പ് നിലപാട് പ്രഖ്യാപിക്കട്ടെയെന്ന് കെ മുരളീധരന്‍

കോഴിക്കോട് :സിപിഎമ്മിനോട് ഇടഞ്ഞുനിൽക്കുന്ന ഇടതുസഹയാത്രികൻ ചെറിയാൻ ഫിലിപ്പിനെ കോൺഗ്രസിലേക്ക് സ്വാഗതം ചെയ്ത് കെ. മുരളീധരൻ. ചെറിയാൻ വരുന്നത് കോൺഗ്രസിന് കരുത്താകുമെന്നും നിലപാട് അദ്ദേഹം പ്രഖ്യാപിക്കട്ടെയെന്നും മുരളീധരൻ മാധ്യമങ്ങളോട് പറഞ്ഞു.

കെ കരുണാകരനുമായി നല്ല ബന്ധം പുലർത്തിയ ആളാണ് ചെറിയാൻ, അദ്ദേഹം വരുന്നതിൽ സന്തോഷമാണുള്ളതെന്നും കെ. മുരളീധരൻ പറഞ്ഞു.