സംസ്ഥാനത്ത് പച്ചക്കറി വിലയില്‍ ഇന്നലത്തെ അപേക്ഷിച്ച് നേരിയ വ്യത്യാസങ്ങള്‍. തലസ്ഥാനത്ത് കഴിഞ്ഞ ദിവസം കിലോയ്‌ക്ക് 80 രൂപയായിരുന്ന ബീന്‍സിന് 10 രൂപ വര്‍ധിച്ച് 90 രൂപയായി. കോഴിക്കോട്, കണ്ണൂര്‍ എന്നിവിടങ്ങളില്‍ ബീന്‍സിന്‍റെ വിലയില്‍ മാറ്റമില്ല. അതേസമയം കണ്ണൂരില്‍ കിലോയ്‌ക്ക് 70 രൂപയാണ് ബീന്‍സിനുള്ളത്. തിരുവനന്തപുരം, കോഴിക്കോട് എന്നിവിടങ്ങളില്‍ 140 രൂപയുള്ള ഇഞ്ചിയ്‌ക്ക് എറണാകുളത്ത് 160 രൂപയും കണ്ണൂരില്‍ 172 രൂപയും കാസര്‍കോട് 175 രൂപയുമാണ്. ഏറ്റവും വില കൂടിയ ഇനം ഇഞ്ചിയാണ്. ചെറുനാരങ്ങയ്‌ക്ക് കിലോയ്‌ക്ക് 80 രൂപ മുതല്‍ 100 രൂപ വരെയാണ് വിവിധ കേന്ദ്രങ്ങളിലെ വില. തക്കാളിക്കാണ് ഏറ്റവും വില കുറവ്. കിലോയ്‌ക്ക് 14 രൂപ മുതല്‍ 28 രൂപ വരെയാണ് നിരക്ക് (Vegetable Price 18th October 2023).
