കോഴിക്കോട്: താമരശേരി ചുരത്തില്‍ ഓടിക്കൊണ്ടിരുന്ന ട്രാവലറിന് തീ പിടിച്ചു. ആറാം വളവിനും ഏഴാം വളവിനും ഇടയിൽ ഇന്ന് രാവിലെ 10.15 ഓടെയാണ് തീപിടിച്ചത്. കോഴിക്കോട് നിന്നും വയനാട്ടിലേക്ക് വിനോദ സഞ്ചാരികളുമായി പോകുകയായിരുന്ന ട്രാവലറാണ് കത്തിയത്. ട്രാവലറില്‍ നിന്നും പുക ഉയര്‍ന്നപ്പോള്‍ 17 ഓളം യാത്രക്കാര്‍ വാഹനത്തിലുണ്ടായിരുന്നു.
താമരശേരി ചുരത്തില്‍ ട്രാവലര്‍ വാനിന് തീപിടിച്ചു
ആറാം വളവിലെത്തിയപ്പോഴാണ് വാഹനത്തിന്‍റെ മുന്‍വശത്ത് നിന്നും പുക ഉയരുന്നത് കണ്ടത്. ഉടന്‍ തന്നെ ഡ്രൈവര്‍ സഞ്ചാരികളെ ട്രാവലറിനുളളില്‍ നിന്നും പുറത്തിറക്കി. ഇതിനാല്‍ വലിയ അപകടം ഒഴിവായി.