കോഴിക്കോട്:സംസ്ഥാന സർക്കാരിന്‍റെ മദ്യനയം തെരഞ്ഞെടുപ്പിൽ ഗുണം ചെയ്യുമെന്ന് പേരാമ്പ്രയിലെ എൽഡിഎഫ് സ്ഥാനാർഥി ടി.പി രാമകൃഷ്ണൻ. യുഡിഎഫ് കാലത്തേക്കാൾ മദ്യ വിൽപ്പന ശാലകൾ കുറവാണ് ഇപ്പോൾ. നിരോധിച്ച് മദ്യം ഇല്ലാതാക്കുന്നതിന് പകരം മദ്യവർജനമാണ് ഇടതു സർക്കാർ നടപ്പാക്കിയതെന്നും ടി.പി രാമകൃഷ്ണൻ. നിയമസഭ തെരഞ്ഞെടുപ്പിൽ വിജയം സുനിശ്ചിതമാണ്. വോട്ടിന്‍റെ ഭൂരിപക്ഷം വൻതോതിൽ വർധിക്കുമെന്നാണ് ജനങ്ങളിൽ നിന്നും മനസിലാക്കാൻ സാധിച്ചിട്ടുള്ളതെന്നും അദ്ദേഹം പറഞ്ഞു.
സർക്കാറിന്‍റെ മദ്യനയം തെരഞ്ഞെടുപ്പിൽ ഗുണം ചെയ്യും: ടി.പി രാമകൃഷ്ണൻ