കോഴിക്കോട്: മേപ്പയൂര്‍ പഞ്ചായത്തിലെ കീഴ്പ്പയൂരില്‍ ആടിന്‍റെ മുഖവുമായി പശുക്കിടാവ് ജനിച്ചു. ക്ഷീര കര്‍ഷകന്‍ ടി.ഒ.ശങ്കരന്‍ കൂഴിക്കണ്ടിയുടെ വീട്ടിലെ പശുവാണ് ശാരീരിക വൈകല്യങ്ങളോടു കൂടിയ പശുക്കിടാവിന് ജന്മം നല്‍കിയത്. തലയും മുഖവും ആടിന്‍റേത്‌ പോലെയും ഉടലും വാലും പശുവിന്‍റേത്‌ പോലെയുമായാണ് പശുക്കിടാവ് ജനിച്ചത്. കിടാവിന്‍റെ മുന്‍കാലിന് ഇരട്ടകുളമ്പാണുള്ളത്. ഇന്നലെ രാത്രിയായിരുന്നു പശുക്കിടാവിന്‍റെ ജനനം. എച്ച് എഫ് ഇനത്തില്‍പ്പെട്ടതാണ് പശു.
മേപ്പയൂരിൽ ആടിന്‍റെ മുഖവുമായി പശുക്കിടാവ് ജനിച്ചു