പ്രതിലോമ ശക്തികൾ മത സൗഹാർദം തകർക്കാൻ ശ്രമിക്കുന്നു : താമരശേരി ബിഷപ്പ്

പെസഹാ പ്രാർത്ഥനകൾക്ക് ശേഷം മാധ്യമങ്ങളോടാണ് ബിഷപ്പിന്‍റെ പ്രതികരണം

കോഴിക്കോട്: സംസ്ഥാനത്ത് മത സൗഹാർദം തകർക്കാൻ പ്രതിലോമ ശക്തികൾ ശ്രമിക്കുന്നുവെന്ന് താമരശേരി ബിഷപ്പ് റെമീജിയോസ് ഇഞ്ചനാനിയിൽ. അടുത്ത കാലത്തെ പ്രതിസന്ധികൾ മനസുകളെ തമ്മിൽ അകറ്റുന്നു. മത സൗഹാർദം എന്നും ഉയർത്തിപ്പിടിച്ചു മാതൃകയാക്കി ഇതിനെ നേരിടണമെന്നും ബിഷപ്പ് പറഞ്ഞു.

മതസൗഹാർദം തകർക്കാനുള്ള ശ്രമങ്ങൾക്ക് മലയാളികൾ കീഴടങ്ങരുതെന്നും എന്നും മത സൗഹാർദം ഉയർത്തിപ്പിടിച്ച സംസ്ഥാനമാണ് കേരളമെന്നും ബിഷപ്പ് റെമീജിയോസ് ഇഞ്ചനാനിയിൽ ഓർമ്മപ്പെടുത്തി.