കോഴിക്കോട്:ഗായകരായ യേശുദാസിനും ചിത്രയ്‌ക്കും നേരെ കല്ലെറിഞ്ഞ കേസിലെ മുഖ്യപ്രതി 24 വര്‍ഷങ്ങള്‍ക്ക് ശേഷം അറസ്റ്റില്‍. ബേപ്പൂർ മാത്തോട്ടം സ്വദേശി എന്‍.വി അസീസാണ് (56) അറസ്റ്റിലായത്. 1999 ഫെബ്രുവരി ഏഴിനാണ് കേസിനാസ്‌പദമായ സംഭവം.
കോഴിക്കോട് മലബാര്‍ മഹോത്സവത്തില്‍ ഗാനമേളക്കെത്തിയ ഗായകന്‍ യേശുദാസിനും ഗായിക ചിത്രയ്‌ക്കും നേരെ അസീസ് കല്ലെറിയുകയായിരുന്നു. സംഭവത്തില്‍ പ്രതികളായ ഏതാനും ചിലര്‍ അന്ന് തന്നെ പിടിയിലായിരുന്നു. വഴിയോരത്ത് പഴക്കച്ചവടം നടത്തുന്നയാളാണ് അസീസ്.