കോഴിക്കോട്: ഹൈലൈറ്റ് മാളിൽ യുവ നടിമാർക്കെതിരെ നടന്ന ലൈംഗിക അതിക്രമത്തിൽ പൊലീസ് അന്വേഷണം തുടങ്ങി. നടിമാരിൽ ഒരാളും സിനിമ നിർമാതാക്കളും കോഴിക്കോട് കമ്മിഷണർക്ക് പരാതി നൽകിയിരുന്നു. പന്തീരങ്കാവ് പൊലീസാണ് കേസ് അന്വേഷിക്കുന്നത്.
ദൃശ്യങ്ങൾ പരിശോധിച്ച് ഉപദ്രവിച്ചവരെ കണ്ടെത്താനുള്ള ശ്രമങ്ങളും തുടങ്ങി. മാളിലെ ജീവനക്കാരെയും ചോദ്യം ചെയ്യും. പുതിയ സിനിമയുടെ പ്രമോഷൻ പരിപാടികൾക്കായി എത്തിയപ്പോഴാണ് രണ്ട് യുവനടിമാർക്കു നേരെ അതിക്രമം നടന്നത്.