രതീഷിന്‍റെ മരണം; മൃതദേഹം കണ്ടെത്തിയ പറമ്പിൽ വ്യാപക പരിശോധന

രതീഷിന്‍റെ പോസ്റ്റ് മോര്‍ട്ടത്തില്‍ ദുരൂഹത കണ്ടെത്തിയിരുന്നു. തുടര്‍ന്നാണ് പരിശോധന ശക്തമാക്കിയത്

കോഴിക്കോട്: പാനൂർ കൊലക്കേസിലെ പ്രതിയെ തൂങ്ങി മരിച്ച നിലയിൽ കണ്ടെത്തിയ പറമ്പിൽ വ്യാപക പരിശോധന. നാദാപുരം ഡിവൈഎസ്‌പി പിഎ ശിവദാസിന്‍റെ നേതൃത്വത്തിൽ പൊലീസും, വടകര റൂറൽ എസ്പിയുടെ കീഴിലുള്ള സൈബർ സെൽ വിദഗ്ദരുമാണ് പരിശോധന നടത്തുന്നത്. ലീഗ് പ്രവർത്തകൻ മൻസൂറിന്‍റെ കൊലപാതകത്തിന് ശേഷം കേസിലെ പ്രതികൾ രതീഷിനൊപ്പം ഈ പറമ്പിലും, പരിസരങ്ങളിലും ഒളിവിൽ കഴിഞ്ഞതായി പൊലീസിന് വിവരം ലഭിച്ചിരുന്നു. രതീഷിന്‍റെ പോസ്റ്റ് ‌മോർട്ടം റിപ്പോർട്ടിൽ ദുരൂഹത കണ്ടെത്തിയതോടെ റൂറൽ എസ്പിയും സംഘവും ഇന്നലെ അർധരാത്രിയിൽ മരണം നടന്ന അരൂണ്ട കൂളിപ്പാറയിലെ പറമ്പിൽ പരിശോധന നടത്തിയിരുന്നു.

കൂടുതല്‍ വായനയ്ക്ക്;മൻസൂർ കൊലപാതകം: രണ്ടാം പ്രതി തൂങ്ങി മരിച്ച നിലയില്‍

കഴിഞ്ഞ ദിവസമാണ് മന്‍സൂര്‍ വധക്കേസിലെ രണ്ടാംപ്രതി രതീഷ് കൂലോത്തിനെ (36) തൂങ്ങിമരിച്ച നിലയില്‍ കണ്ടെത്തിയത്. കൊല്ലപ്പെട്ട മന്‍സൂറിന്‍റെ അയല്‍വാസി കൂടിയാണ് രതീഷ് കൂലോത്ത്. പൊലീസ് രജിസ്റ്റര്‍ ചെയ്ത എഫ്ഐആറിലെ രണ്ടാം പ്രതിയാണ് ഇയാള്‍.

കൂടുതല്‍ വായനയ്ക്ക്;രതീഷിനെ കെട്ടിത്തൂക്കിയതാണോയെന്ന് സംശയമെന്ന് കെ സുധാകരൻ