കര്‍ഷകര്‍ രാജ്യത്തിന് നല്‍കിയ സംഭാവനകള്‍ നിസ്‌തുലമെന്ന് രാഹുല്‍ ഗാന്ധി

കർഷകരിലും അവരുടെ നവീകരണ ശേഷിയിലും വിശ്വസിക്കുന്നുവെന്ന് രാഹുല്‍

കോഴിക്കോട് : രാജ്യത്തെ കർഷകരെ അഭിനന്ദിച്ച് കോൺഗ്രസ് നേതാവ് രാഹുൽഗാന്ധി. കർഷകർ രാജ്യത്തിന് വളരെയേറെ സംഭാവനകള്‍ നൽകിയിട്ടുണ്ട്. കൃഷി നമ്മുടെ ചരിത്രത്തിന്റെയും സംസ്കാരത്തിന്റെയും പൈതൃകത്തിന്റെയും ആന്തരിക ഭാഗമാണ്.

ഞാൻ കർഷകരിലും അവരുടെ നവീകരണ ശേഷിയിലും വിശ്വസിക്കുന്നു - രാഹുൽ പറഞ്ഞു. കോഴിക്കോട് കാരശ്ശേരിയില്‍ കർഷക സംഗമം ഉദ്‌ഘാടനം ചെയ്യുകയായിരുന്നു രാഹുൽ.

ഈ മാസം 18 വരെയാണ് വയനാട് ലോക്‌സഭാ മണ്ഡലത്തില്‍ രാഹുല്‍ഗാന്ധിയുടെ പരിപാടികള്‍.