കോഴിക്കോട് കോതിയിൽ മാലിന്യ പ്ലാന്‍റിനെതിരെ പ്രതിഷേധം

പ്രതിഷേധത്തെ തുടർന്ന് പൊലീസ് ബലം പ്രയോ​ഗിച്ച് പ്രതിഷേധക്കാരെ അറസ്റ്റ് ചെയ്‌ത് നീക്കി

കോഴിക്കോട്: മാലിന്യ പ്ലാന്‍റിനെതിരെ കോഴിക്കോട് കോതിയിൽ നാട്ടുകാരുടെ പ്രതിഷേധം. പ്രതിഷേധം കടുപ്പിച്ചതോടെ പൊലീസ് ബലം പ്രയോ​ഗിച്ച് പ്രതിഷേധക്കാരെ അറസ്റ്റ് ചെയ്‌ത് നീക്കുകയായിരുന്നു. മാലിന്യ പ്ലാൻ്റിനായി കണ്ടെത്തിയ സ്ഥലത്ത് അതിര് സ്ഥാപിക്കാൻ ഉദ്യോ​ഗസ്ഥർ എത്തിയപ്പോണ് പ്രതിഷേധം ശക്തമായത്.

സ്ത്രീകൾ ഉൾപ്പെടെയുളളവർ റോഡിൽ കുത്തിയിരുന്നു പ്രതിഷേധിച്ചു. ജനവാസ കേന്ദ്രങ്ങളോട് ചേർന്ന് മലിന ജല പ്ലാന്‍റ് സ്ഥാപിക്കാനുള്ള തീരുമാനത്തിനെതിരെയാണ് ജനം തെരുവിലിറങ്ങി പ്രതിഷേധിച്ചത്.