കോഴിക്കോട് : ചാത്തമംഗലം കട്ടാങ്ങലിൽ ആദിവാസി വിദ്യാർഥിയെ പോലീസ് മർദ്ദിച്ചതായി പരാതി (tribal student was beaten up by police). മാതൃസഹോദരന്‍റെ വീട്ടിൽ വച്ചാണ് കക്കാടംപൊയിൽ ആദിവാസി കോളനിയിലെ ഒമ്പതാം ക്ലാസ് വിദ്യാർഥിയെ പൊലീസ് മർദ്ദിച്ചതെന്നാണ് പരാതിയിലുള്ളത്.
ബുധനാഴ്‌ച രാത്രിയാണ് സംഭവം നടന്നത്. കുട്ടിയുടെ പിതാവ് നിലമ്പൂരിലും മാതാവ് കോഴിക്കോട്ടും ജോലി സ്ഥലത്തായതിനാൽ വിദ്യാർഥിയായ പരാതിക്കാരൻ മാതൃ സഹോദരന്‍റെ വീട്ടിലാണ് താമസിച്ചിരുന്നത്. ബുധനാഴ്‌ച വീട്ടിലെത്താൻ വൈകിയതിനെ ചൊല്ലി മാതൃസഹോദരനുമായി പ്രശ്‌നമുണ്ടാവുകയും ഒന്തു തള്ളും നടക്കുകയും ചെയ്‌തതായി വിദ്യാർഥി പറഞ്ഞു. പ്രശ്‌നം രൂക്ഷമായപ്പോൾ പൊലീസിനെ വിളിച്ചുവരുത്തി. കുന്ദമംഗലം പൊലീസ് വീട്ടിലെത്തി അകാരണമായി കാലിനും തലയ്ക്കും മർദ്ദിച്ചു എന്നാണ് വിദ്യാർഥിയുടെ പരാതി.