കോഴിക്കോട്: ടൂറിസം സാധ്യതകൾ വിലയിരുത്തുന്നതിനായി പൊതുമരാമത്ത് – വിനോദ സഞ്ചാര വകുപ്പ് മന്ത്രി മുഹമ്മദ് റിയാസ് ഫറോക്കിലെ കോമൺവെൽത്ത് ടൈൽ കമ്പനിയും സമീപ കെട്ടിടങ്ങളും സന്ദർശിച്ചു. വർഷങ്ങളുടെ പഴക്കവും സംസ്ക്കാരവും പ്രൗഢിയുമുള്ള കമ്പനിയുടെയും അനുബന്ധ കേന്ദ്രങ്ങളുടെയും വിനോദസഞ്ചാര സാധ്യതകൾ പഠിക്കുന്നതിനും വിലയിരുത്തുന്നതിനുമായാണ് സന്ദർശനം.
ബേപ്പൂർ ടൂറിസം പദ്ധതിയുടെ ഭാഗമായി കോമൺവെൽത്ത് ടൈൽ കമ്പനിയും പരിസരവും ടൂറിസം കേന്ദ്രമാക്കുന്നത് പരിഗണിക്കും. ടൂറിസത്തിന്‍റെ അനന്ത സാധ്യതകളുള്ള കമ്പനിയുടെ പുഴയോരവും ഓട് വ്യവസായവും സംരക്ഷിച്ചു കൊണ്ട് ടൂറിസം പദ്ധതി നടപ്പാക്കുന്നത് ആലോചിക്കുമെന്നാണ് മന്ത്രി പറഞ്ഞത്.