സമാന്തര ടെലിഫോൺ എക്സ്ചേഞ്ച് കേസ്; മുഖ്യ ആസൂത്രകൻ ഇബ്രാഹിം

ജില്ലയിൽ സമാന്തര ടെലിഫോൺ എക്സ്ചേഞ്ചുകൾ പ്രവർത്തിപ്പിച്ച കേസിലെ മുഖ്യ ആസൂത്രകൻ മലപ്പുറം സ്വദേശി ഇബ്രാഹിമെന്ന് ക്രൈംബ്രാഞ്ച് വെളിപ്പെടുത്തൽ.

കോഴിക്കോട്: നഗരത്തിൽ സമാന്തര ടെലിഫോൺ എക്സ്ചേഞ്ചുകൾ പ്രവർത്തിപ്പിച്ച കേസിലെ മുഖ്യ ആസൂത്രകൻ മലപ്പുറം സ്വദേശി ഇബ്രാഹിമെന്ന് ക്രൈംബ്രാഞ്ച്. ബെംഗളുരുവിൽ സമാനമായ കേസിൽ പിടിക്കപ്പെട്ട് പരപ്പന അഗ്രഹാര ജയിലിൽ കഴിയുന്ന ഇബ്രാഹിമിനെ കോഴിക്കോടെത്തിക്കാനുള്ള ശ്രമങ്ങൾ ആരംഭിച്ചു. ഒളിവിൽ കഴിയുന്ന കൂട്ടുപ്രതികളായ മൂ​രി​യാ​ട്​ സ്വ​ദേ​ശി​ക​ളാ​യ ഷ​ബീ​ർ, കൃ​ഷ്​​ണ​പ്ര​സാ​ദ്​ എ​ന്നി​വ​ർ ഇബ്രാഹിമുമായി ബ​ന്ധ​പ്പെ​ട്ട​തിന്‍റെ തെളിവുകളും അ​ന്വേ​ഷ​ണ​സം​ഘ​ത്തി​ന്​ ല​ഭി​ച്ചു.

നഗരത്തിൽ ഏ​ഴി​ട​ത്ത്​ സ​മാ​ന്ത​ര ടെ​ലി​ഫോ​ൺ എ​ക്​​സ്​​ചേ​ഞ്ചു​ക​ൾ പ്ര​വ​ർ​ത്തി​പ്പി​ച്ച കേ​സി​ലെ പ്ര​തി​ക​ൾ​ക്ക്​​ ബെം​ഗ​ളൂ​രു​വി​ൽ നേരത്തെ അറസ്റ്റിലായവരുമായി അ​ടു​ത്ത ബ​ന്ധമുണ്ടെന്ന് പൊലീസ് വ്യക്തമാക്കിയിരുന്നു. കോ​ഴി​ക്കോ​​ട്ടെ കേ​സി​ൽ റി​മാ​ൻ​ഡി​ലാ​യ കൊ​ള​ത്ത​റ സ്വദേശി ജുറൈസിനെ ക​സ്​​റ്റ​ഡി​യി​ൽ വാ​ങ്ങി ചോദ്യം ചെയ്തപ്പോഴാണ് ഇത് വ്യക്തമായത്. തു​ട​ർ​ന്നാ​ണ്​ അ​ന്വേ​ഷ​ണ സംഘം ബെംഗളുരുവിൽ എത്തിയത്.

ബെംഗ​ളൂ​രു​വി​ൽ സ​മാ​ന്ത​ര ​ടെ​ലി​ഫോ​ൺ എ​ക്​​സ്​​ചേ​ഞ്ച്​ ന​ട​ത്തി​യ കോ​ഴി​ക്കോ​ട്​ സ്വ​ദേ​ശി അ​ഷ്​​റ​ഫി​നെ മാ​ർ​ച്ചി​ലാ​ണ്​ സെ​ൻ​ട്ര​ൽ ക്രൈം​ബ്രാഞ്ച്​ അ​റ​സ്​​റ്റ്​ ചെ​യ്​​ത​ത്. കോ​ഴി​ക്കോ​ട്​ സ​മാ​ന്ത​ര എ​ക്​​സ്​​ചേ​ഞ്ച്​ ന​ട​ത്തി​പ്പി​നാ​യി ഉ​പ​യോ​ഗി​ച്ച ഉ​പ​ക​ര​ണ​ങ്ങ​ളി​ൽ പ​ല​തും ചൈ​നീ​സ്​ നിർമിതമാണ്. ഇ​വ ബെം​ഗ​ളൂ​രു വ​ഴി​യാ​ണ്​ എ​ത്തി​ച്ച​ത്. 26 സിം ​ബോ​ക്സു​ക​ൾ, 25 റൂട്ടറുകൾ, 730 സിം​കാ​ര്‍ഡു​ക​ൾ എന്നിവയാണ് കോ​ഴി​ക്കോ​ട്​ നിന്ന് പിടിച്ചെടുത്തത്. ബെംഗളുരുവിലെയും കോഴിക്കോട്ടേയും എക്സ്‌ചേഞ്ച് നടത്തിപ്പിൽ രാജ്യദ്രോഹ ബന്ധവും സംഘത്തിന്‍റെ അന്വേഷണ പരിധിയിലാണ്.