ഐഎന്‍എല്ലില്‍ നിന്ന് പുറത്താക്കപ്പെട്ടവരോട് അനുരഞ്ജനത്തിനില്ലെന്ന് അഹമ്മദ് ദേവര്‍ കോവില്‍

പാര്‍ട്ടിയില്‍ നിന്ന് പുറത്താക്കപ്പെട്ടവര്‍ മാപ്പ് പറഞ്ഞാല്‍ അവരെ തിരികെയെടുക്കുന്നതിനെപ്പറ്റി ആലോചിക്കുമെന്ന് അഹമ്മദ് ദേവര്‍കോവില്‍

കോഴിക്കോട് :ഐഎന്‍എല്ലിൽ നിന്ന് പുറത്താക്കപ്പെട്ടവര്‍ മാപ്പ് പറഞ്ഞാൽ തിരികെ വരുന്ന കാര്യം പരിഗണിക്കാമെന്ന് മന്ത്രി അഹമ്മദ് ദേവർകോവിൽ. അനുരഞ്ജനത്തിന് ഇനി സാധ്യതയില്ല. പാർട്ടിയുടെ കൊടിയോ പാർട്ടി സംവിധാനങ്ങളോ ഉപയോഗിക്കാൻ അവരെ സമ്മതിക്കില്ലെന്നും മന്ത്രി പറഞ്ഞു.

ദേശീയ നേതൃത്വമാണ് തങ്ങൾക്ക് എല്ലാം എന്ന് അഹമ്മദ് ദേവര്‍കോവില്‍ പറഞ്ഞു .പുതിയ സംസ്ഥാന കമ്മിറ്റി ഉടൻ പ്രഖ്യാപിക്കുമെന്നും മന്ത്രി കോഴിക്കോട് പറഞ്ഞു.