ബഫര്‍ സോണ്‍ വിഷയം : 'സമരത്തില്‍ നിന്ന് കര്‍ഷക സംഘടനകള്‍ പിന്മാറണം' ; ആവശ്യവുമായി വനം മന്ത്രി

വിഷയത്തില്‍ കെ സി ബി സിയുടെ സമരം ദൗർഭാഗ്യകരമാണെന്ന് വനം മന്ത്രി. രാഷ്ട്രീയ സമരങ്ങൾക്ക് മത മേലധ്യക്ഷന്മാർ കൂട്ടുനിൽക്കരുതെന്നും എകെ ശശീന്ദ്രന്‍

കോഴിക്കോട് : ബഫര്‍സോണ്‍ വിഷയത്തിലെ സമരത്തിൽ നിന്നും പിന്മാറാൻ കർഷക സംഘടനകൾ ഉൾപ്പടെ തയ്യാറാകണമെന്ന് വനം മന്ത്രി എ കെ ശശീന്ദ്രൻ. നിലവിലെ കമ്മിഷൻ കാലാവധി കൂട്ടുന്ന കാര്യം മുഖ്യമന്ത്രിയുമായി സംസാരിക്കും. കെ സി ബി സി യുടെ ആവശ്യങ്ങൾ അംഗീകരിച്ചതാണ്.

വിഷയത്തില്‍ കെ സി ബി സിയുടെ സമരം ദൗർഭാഗ്യകരമാണ്. രാഷ്ട്രീയ സമരങ്ങൾക്ക് മത മേലധ്യക്ഷന്മാർ കൂട്ടുനിൽക്കരുത്. സർക്കാരുമായി സഹകരിക്കുകയാണ് വേണ്ടതെന്നും എ കെ ശശീന്ദ്രൻ പറഞ്ഞു.