കെഎസ്ആർടിസി ബസും ലോറിയും കൂട്ടിയിടിച്ചു; 15 പേർക്ക് പരിക്ക്

കോഴിക്കോട് വടകര ദേശീയപാതയിൽ ഇന്ന് രാവിലെ എട്ട് മണിയോടെയാണ് കെഎസ്ആർടിസി ബസും ലോറിയും കൂട്ടിയിടിച്ചത്.

കോഴിക്കോട്: ദേശീയപാതയിൽ വടകര പാലോളിപാലത്ത് ബസും ലോറിയും കൂട്ടിയിടിച്ച് പതിനഞ്ച് പേർക്ക് പരിക്ക്. കണ്ണൂരിലേക്ക് പോവുകയായിരുന്ന കെഎസ്ആർടിസി ബസ് ലോറിയുമായി കൂട്ടിയിടിക്കുകയായിരുന്നു. എട്ട് മണിയോടെയാണ് അപകടം.

പാലുമായി പോവുകയായിരുന്ന ലോറിയാണ് അപകടത്തിൽപ്പെട്ടത്. ലോറി ഡ്രൈവറെ വാഹനം വെട്ടിപ്പൊളിച്ചാണ് എടുത്തത്. പരിക്കേറ്റവരെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. കെഎസ്ആർടിസി ബസിന്‍റെ ഒരു ഭാഗം പൂർണമായും തകർന്ന അവസ്ഥയിലാണ്.