കോഴിക്കോട് : കട്ടിപ്പാറ വിഒടിയില്‍ സ്‌കൂള്‍ കെട്ടിടത്തിന് മുകളിലേക്ക് മതില്‍ ഇടിഞ്ഞുവീണു. വെട്ടി ഒഴിഞ്ഞ തോട്ടം എസ്എസ്എം യു പി സ്‌കൂളിലാണ് സംഭവം. സ്‌കൂള്‍ ഉച്ച ഭക്ഷണ സമയത്തായിരുന്നു അപകടം.
കട്ടിപ്പാറ വിഒടി യില്‍ സ്‌കൂള്‍ കെട്ടിടത്തിന് മുകളിലേക്ക് മതില്‍ ഇടിഞ്ഞു വീണു സ്‌കൂള്‍ കെട്ടിടത്തിന്‍റെ ചുമരുകള്‍ക്ക് പൊട്ടലുണ്ട്. അപകടത്തില്‍ കല്ലും, സിമന്‍റ് പാളികളും ക്ലാസ് മുറിയിലേക്ക് പതിച്ചെങ്കിലും വിദ്യാര്‍ഥികള്‍ പരിക്കേല്‍ക്കാതെ രക്ഷപ്പെട്ടു. തകര്‍ന്ന മതില്‍ കൂടുതല്‍ ഇടിയാന്‍ സാധ്യതയുള്ളതിനാല്‍ പ്രദേശവാസികളും പൊലീസും ജാഗ്രത പുലര്‍ത്തുന്നുണ്ട്.
