കോഴിക്കോട്: ഖത്തർ ലോകകപ്പിനെ വരവേറ്റുകൊണ്ട് പുള്ളാവൂർ ചെറുപുഴയിൽ ആദ്യം ഉയർന്നത് മെസിയാണെങ്കിലും തലപ്പൊക്കത്തിൽ മുന്നിലെത്തിയത് നെയ്‌മർ തന്നെ. 'ലേറ്റായി വന്താലും ലേറ്റസ്റ്റായി വരുവേൻ' എന്നറയിച്ചുകൊണ്ടാണ് പുള്ളാവൂരിലെ ബ്രസീൽ ആരാധകർ നെയ്‌മറിന്‍റെ 35 അടിയോളം വലിപ്പമുള്ള കട്ടൗട്ട് മെസിയുടെ കട്ടൗട്ടിന് മുന്നിൽ സ്ഥാപിച്ചത്.
പുള്ളാവൂർ പുഴയിൽ ആദ്യ ഗോളടിച്ച് അർജന്‍റീന, വിടുമോ ബ്രസീല്‍, 'കട്ടൗട്ട് യുദ്ധം' തുടരുന്നു
അര്‍ജന്‍റീനയോട് മത്സരിക്കാന്‍ ഉറച്ചാണ് നെയ്‌മറെ ഉയർത്തി മഞ്ഞപ്പട രംഗത്തിറങ്ങിയത്. എന്നാൽ ഇതൊരു സൗഹൃദ മത്സരം മാത്രമാണെന്നും കാല്‍പ്പന്ത് കളിയോടുള്ള അടങ്ങാത്ത ആവേശമാണ് ഇവിടെ ഒഴുകുന്നതെന്നും ആരാധകർ പറയുന്നുണ്ട്. 25,000 രൂപയോളം ചെലവിട്ടാണ് നെയ്‌മറുടെ കട്ടൗട്ട് സ്ഥാപിച്ചത്.