കോഴിക്കോട് സ്വകാര്യ സ്‌കൂൾ ബസ് അപകടത്തിൽപ്പെട്ടു; പരിക്കേറ്റ വിദ്യാര്‍ഥികളെ ആശുപത്രിയില്‍ പ്രവേശിപ്പിച്ചു

കോഴിക്കോട് പൊറ്റമ്മലിൽ സ്വകാര്യ സ്‌കൂൾ ബസ് അപകടത്തിൽപ്പെട്ടതിനെ തുടര്‍ന്ന് പരിക്കേറ്റ വിദ്യാര്‍ഥികളെ ആശുപത്രിയില്‍ പ്രവേശിപ്പിച്ചു

കോഴിക്കോട്: പൊറ്റമ്മലിൽ സ്വകാര്യ സ്‌കൂൾ ബസ് അപകടത്തിൽപ്പെട്ടു. മർക്കസ് ഇന്‍റർനാഷണൽ സ്‌കൂളിന്‍റെ ബസാണ് ഇന്ന് ഉച്ചയോടെ അപടത്തിൽപ്പെട്ടത്. പൊറ്റമ്മൽ കുതിരവട്ടം റോഡില്‍ സ്‌കൂൾ ബസ് മറിഞ്ഞുണ്ടായ അപകടത്തില്‍ വിദ്യാർഥികൾക്ക് പരിക്കേറ്റിട്ടുണ്ട്.

പരിക്കേറ്റവരെ മെഡിക്കൽ കോളജ് ആശുപത്രിയിലും സ്വകാര്യ ആശുപത്രിയിലും പ്രവേശിപ്പിച്ചു.