കോഴിക്കോട്: കോഴിക്കോട് - കണ്ണൂർ പാസഞ്ചർ ഷൊർണൂർ വരെ നീട്ടുന്നതില്‍ പ്രതിഷേധം. കോഴിക്കോട് നിന്ന് കണ്ണൂരിലേക്കും, കണ്ണൂരിൽ നിന്ന് തിരിച്ച് കോഴിക്കോട്ടേക്കും സർവീസ് നടത്തുന്ന പാസഞ്ചർ ട്രെയിനാണ് നാളെ മുതൽ ഷൊർണൂരിലേക്ക് സർവീസ് നീട്ടുന്നത്. ട്രെയിനിന്‍റെ കമ്പാർട്ട്മെന്‍റിന്‍റെ എണ്ണത്തിൽ മാറ്റം വരുത്താതെയാണ് സർവീസ് നീട്ടാൻ തീരുമാനമായത്. അതിനാല്‍ യാത്രക്കാരുടെ എണ്ണം കൂടുമെന്നല്ലാതെ മറ്റൊരു പ്രയോജനവും ഉണ്ടാകില്ലെന്നാണ് യാത്രക്കാരുടെ വാദം.
കോഴിക്കോട് - കണ്ണൂർ പാസഞ്ചർ ഷൊർണൂരിലേക്ക്; ദുരിതം കൂട്ടുമെന്ന് യാത്രക്കാർ