കൊയിലാണ്ടി ദേശീയപാതയില്‍ വാഹനാപകടം: രണ്ട് പേര്‍ മരിച്ചു

പൊയില്‍ക്കാവില്‍ ഇന്ന് പുലര്‍ച്ചെ രണ്ട് മണിയോടെയാണ് അപകടം നടന്നത്

കോഴിക്കോട്: കൊയിലാണ്ടി ദേശീയപാതയില്‍ വാഹനാപകടത്തില്‍ രണ്ട് പേര്‍ മരിച്ചു. ദേശീയപാതയില്‍ പൊയില്‍ക്കാവില്‍ വച്ച് കാറും ലോറിയും കൂട്ടിയിടിച്ചാണ് അപകടം ഉണ്ടായത്. കാറില്‍ സഞ്ചരിച്ചിരുന്നു കണ്ണൂര്‍ ചക്കരക്കല്ല് സ്വദേശികളായ ശരത്ത്, നിജീഷ് എന്നിവരാണ് മരിച്ചത്.

വെള്ളിയാഴ്‌ച പുലര്‍ച്ചെ രണ്ട് മണിയോടെയാണ് അപകടം നടന്നത്. മണ്‍കട്ടയുമായി വന്ന ലോറിയാണ് അപകടത്തില്‍പ്പെട്ടത്. മറ്റ് രണ്ട് പേര്‍ക്ക് കൂടി പരിക്കേറ്റിട്ടുണ്ട്.