കോഴിക്കോട് : 2012 മെയ്‌ നാലിന് രാത്രി 10.10 ന് നിശ്ചലമായ സഖാവ്‌ ടിപി ചന്ദ്രശേഖരന്‍റെ ഫോണ്‍ നമ്പര്‍ ഇനി മുതല്‍ വടകര എംഎല്‍എ കെകെ രമയുടെ ഔദ്യോഗിക നമ്പര്‍. ഒന്‍പത് വര്‍ഷങ്ങള്‍ക്ക് ശേഷം ടിപി ചന്ദ്രശേഖരന്‍ ഉപയോഗിച്ചിരുന്ന 9447933040 എന്ന മൊബൈല്‍ നമ്പര്‍ തിരികെ വീണ്ടും ചലനാത്മകമാകുമ്പോള്‍ സഹായങ്ങള്‍ ആവശ്യപ്പെട്ടുകൊണ്ട് വീണ്ടും മണിമുഴങ്ങും.
ഫേസ്‌ബുക്ക്‌ ലൈവിലൂടെയാണ് ഇക്കാര്യം കെകെ രമ അറിയിച്ചത്. ജനങ്ങള്‍ ഇപ്പോഴും അദ്ദേഹത്തിന്‍റെ നമ്പര്‍ സൂക്ഷിക്കുന്നുണ്ടാവും. ജാതി-മത-കക്ഷി രാഷ്ട്രീയ ഭേദമന്യേ എല്ലാവര്‍ക്കും ആ നമ്പറിലേക്ക് എംഎല്‍എയെ വിളിക്കാം. മണ്ഡലത്തില്‍ വികസന പ്രവര്‍ത്തനങ്ങള്‍ ഏകോപിപ്പിക്കാന്‍ കൂടുതല്‍ ഇടപെടല്‍ നടത്തുമെന്നും രമ പറഞ്ഞു.