കോഴിക്കോട്: കെ റെയിൽ വിരുദ്ധ പ്രതിഷേധം ശക്തമായതോടെ ജില്ലയിൽ ഇന്ന് കല്ലിടല്‍ ഉണ്ടാവില്ല. സർവെ നടപടികൾ മാത്രമാണ് ഇന്ന് നടക്കുകയെന്നും കെ റെയിൽ അധികൃതർ അറിയിച്ചു. കല്ലായി പ്രദേശത്ത് സമരം ശക്തമായാൽ അത് വൻ സംഘർഷമാകുമെന്ന മുന്നറിയിപ്പ് കണക്കിലെടുത്താണ് താൽക്കാലിക പിന്മാറ്റം.
സമര പരിപാടികൾ ശക്തമാക്കുന്നതിനുള്ള തിരക്കിട്ട നീക്കത്തിലാണ് യുഡിഎഫും ബിജെപിയും. അതിനിടെ ബിജെപി ജില്ലാ പ്രസിഡന്‍റ് അഡ്വ.വി.കെ.സജീവൻ നയിക്കുന്ന കെ.റയിൽ വിരുദ്ധ പദയാത്ര കാട്ടിൽ പിടികയിൽ നിന്ന് ഇന്നാരംഭിക്കും.