മഞ്ഞപ്പിത്ത ഭീഷണിയിൽ കോഴിക്കോട് കടിയങ്ങാട് മേഖല

രോഗലക്ഷണങ്ങളോടെ 11 പേരെ പേരാമ്പ്ര താലൂക്ക് ആശുപത്രിയിൽ പ്രവേശിപ്പിച്ചു.

കോഴിക്കോട്: കോഴിക്കോട് ചങ്ങരോത്ത് ഗ്രാമപഞ്ചായത്തിലെ കടിയങ്ങാട് മേഖലയില്‍ മഞ്ഞപ്പിത്തം പടരുന്നു. പത്താം വാർഡിലെ മീത്തൽ ഭാഗത്താണ് കഴിഞ്ഞ നാല് ദിവസമായി മഞ്ഞപ്പിത്ത രോഗ ലക്ഷണങ്ങൾ കണ്ടെത്തിയത്. രോഗലക്ഷണങ്ങളോടെ 11 പേരാണ് പേരാമ്പ്ര താലൂക്ക് ആശുപത്രിയിൽ ചികിത്സ തേടിയെത്തിയത്. ഇതിൽ ഒരാളെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

കഴിഞ്ഞദിവസം വിവാഹസൽക്കാരത്തിൽ പങ്കെടുത്തവരാണ് രോഗലക്ഷണങ്ങൾ കണ്ടെത്തിയതിൽ കൂടുതലെന്നും നാട്ടുകാർ പറയുന്നു. ഗ്രാമ പഞ്ചായത്തും ആരോഗ്യ വകുപ്പും ചേർന്ന് പ്രദേശത്ത് ഉറവിടനശീകരണം, ബോധവൽക്കരണം തുടങ്ങിയവ സംഘടിപ്പിച്ചിട്ടുണ്ട്.