കോഴിക്കോട്:പച്ചപ്പനംതത്തയും പത്തിമടക്കി ചുരുളുന്ന പാമ്പും.. കുരുത്തോല കൊണ്ട് ഗോപാലേട്ടന്‍റെ കരവിരുതില്‍ സുന്ദര രൂപങ്ങൾ വിരിയുന്നത് കാണാൻ ഒപ്പം കുട്ടികളുണ്ടാകും. എങ്ങനെയാണ് ഓരോ രൂപവും നിർമിക്കുന്നതെന്ന് ഗോപാലേട്ടൻ കുട്ടികൾക്ക് പറഞ്ഞു നല്‍കും. വടകര ചോറോട് സ്വദേശിയാണ് ഗോപാലൻ.
76-ാം വയസിലും കൈവിടാതെ കുരുത്തോലയിലെ 'ഗോപാലൻ ടച്ച്'...
എന്തിനും ഏതിനും പ്ലാസ്റ്റിക്ക് അരങ്ങുവാഴുന്ന കാലത്ത് ഗോപാലേട്ടന്‍റെ പച്ചപ്പനംതത്തയും പാമ്പുമൊക്കെ കൗതുകം തന്നെ. കയ്യില്‍ കുരുത്തോല കിട്ടിയാല്‍ അതിനെ പൂക്കളും കൊട്ടയും പന്തും അങ്ങനെ കുട്ടികൾക്ക് ഇഷ്‌ടമുള്ള എന്തും നിർമിക്കാൻ 76-ാം വയസിലും ഗോപാലൻ റെഡി.