മലപ്പുറം: കരിപ്പൂര്‍ വിമാനത്താവളത്തിന് പുറത്ത് യാത്രക്കാരില്‍ നിന്ന് സ്വര്‍ണം പിടികൂടി. കോഴിക്കോട് കിഴക്കോത്ത് സ്വദേശി ഹബീബ് റഹ്മാന്‍, മലപ്പുറം എടപ്പറ്റ നിഷാദ് ബാബു, കാസര്‍കോട് സ്വദേശി മുഹമ്മദ് അഷ്റഫ്, വയനാട് സ്വദേശി അബ്ദുൾ റസാഖ്, കൊയിലാണ്ടി സ്വദേശി മജീദ് എന്നിവരില്‍ നിന്നാണ് പൊലീസ് സ്വര്‍ണം കണ്ടെടുത്തത്.
കരിപ്പൂരില്‍ ആഭരണരൂപത്തില്‍ കടത്താന്‍ ശ്രമിച്ച സ്വര്‍ണം പിടികൂടി
അഞ്ചുപേരില്‍ നിന്നായി രണ്ടര കിലോ സ്വര്‍ണമാണ് പിടികൂടിയത്. ആഭരണ രൂപത്തില്‍ കാലില്‍ വെച്ചു കെട്ടിയും ലഗേജില്‍ ഒളിപ്പിച്ചുമാണ് സ്വര്‍ണം കൊണ്ടുവന്നത്. വിമാനത്താവളത്തില്‍ കസ്റ്റംസ് പരിശോധന കഴിഞ്ഞ് പുറത്തിറങ്ങിയപ്പോഴാണ് പ്രതികള്‍ പിടിയിലായത്.