കോഴിക്കോട്: കാണികളിൽ ആവേശവും ആകാംക്ഷയും നിറച്ച് ഫോർ വീൽ ജീപ്പ് ഓഫ് റോഡ് മോട്ടോർ റേസിങ്. അഡ്വഞ്ചർ ക്ലബ്ബ് ചെറുവാടി സംഘടിപ്പിച്ച സജീർ കാഞ്ഞിരാല മെമ്മോറിയൽ ഗ്രേറ്റ് മഡ് എസ്കേപ്പ് സീസൺ-2വാണ് ശ്രദ്ധേയമായത്. മാവൂർ കണ്ണിപറമ്പ് വില്ലേരിക്കുന്നില്‍ രണ്ട് ദിനങ്ങളിലായാണ് മത്സരം നടന്നത്.
ആവേശം വിതറി ഫോർ വീൽ ജീപ്പ് ഓഫ് റോഡ് റേസിങ്; ശ്രദ്ധേയമായി ഗ്രേറ്റ് മഡ് എസ്കേപ്പ്
മത്സരത്തിന്‍റെ ആദ്യ ദിനമായ ശനിയാഴ്ച ഡ്രൈവർ സ്‌കിൽ ബിഗിനേഴ്‌സ് കാറ്റഗറിയിലായിരുന്നു മത്സരം. രണ്ടാം ദിനമായ ഞായറാഴ്‌ച ഡീസൽ ക്ലാസ് , പെട്രോൾ ക്ലാസ്, ഓപ്പൺ ക്ലാസ് , ഡ്രൈവേഴ്‌സ് സ്‌കില്‍ എന്നീ ഇനങ്ങളിലാണ് മത്സരം നടന്നത്. കേരളത്തിനകത്തും പുറത്തും നിന്നുള്ള നൂറിലധികം ജീപ്പുകള്‍ മത്സരത്തിൽ പങ്കെടുത്തു.