മാവൂർ റോഡിൽ മൂന്ന് നില കെട്ടിടത്തിൽ തീപിടിത്തം; മൊബൈൽ കട കത്തിനശിച്ചു

മൊഫ്യൂസൽ ബസ് സ്റ്റാന്‍റിന് സമീപത്തെ മൂന്ന് നില കെട്ടിടത്തിന്‍റെ താഴത്തെ നിലയിലെ കടകളിലാണ് തീപിടിത്തം ഉണ്ടായത്

കോഴിക്കോട്:മാവൂർ റോഡിൽ മൊഫ്യൂസൽ ബസ് സ്റ്റാന്‍റിന് സമീപത്തെ കെട്ടിടത്തിൽ തീപിടിത്തം. മൂന്നു നില കെട്ടിടത്തിന്‍റെ താഴത്തെ നിലയിൽ രാവിലെ എട്ടരയോടെയാണ് തീപിടിത്തം ഉണ്ടായത്. ഫയർഫോഴ്‌സ് സ്ഥലത്തെത്തി തീ അണച്ചു.

അടഞ്ഞുകിടക്കുന്ന മൊബൈൽ കടകളിൽ നിന്നും പുക ഉയർന്നതോടെയാണ് കെട്ടിടത്തിന് തീപിടിച്ച വിവരം നാട്ടുകാർ അറിയുന്നത്. പിന്നാലെ എട്ട് യൂണിറ്റ് ഫയർഫോഴ്‌സ് സ്ഥലത്തെത്തി തീ നിയന്ത്രണ വിധേയമാക്കുകയായിരുന്നു.