കോഴിക്കോട്: എട്ടാം വയസിൽ ഇംഗ്ലീഷ് നോവൽ എഴുതി ഒരു കുട്ടി ഡിറ്റക്‌ടീവ്. 'ദ് മിസിങ്ങ് ആർട് വർക്ക്' എന്ന ഡിറ്റക്‌ടീവ് നോവലാണ് റീഹ അഫ്‌സൽ ഒരു വർഷം കൊണ്ട് പൂർത്തിയാക്കിയത്. സോഫ്റ്റ്‌വെയർ എൻജിനിയറായ തൊണ്ടയാട് സ്വദേശി അഫ്‌സൽ അബ്‌ദുല്ലയുടെയും റാനിയ അഫ്‌സലിൻ്റേയും മകളായ റീഹയുടെ എഴുത്ത് ജീവിതം തുടങ്ങുന്നത് ന്യൂസിലൻ്റിലാണ്.
'ദ് മിസിങ്ങ് ആർട്ട് വർക്ക്'; കുട്ടി ഡിറ്റക്‌ടീവ് നോവലിസ്റ്റ് കുപ്പായമണിഞ്ഞ് റീഹ അഫ്‌സൽ
മാതാപിതാക്കൾ അവിടെ ജോലി ചെയ്യുമ്പോൾ റീഹയും വെറുതെയിരുന്നില്ല. 'റീഹലാൻ്റ്' എന്ന ബ്ലോഗ് തുടങ്ങി എഴുത്താരംഭിച്ചു. ആദ്യം കവിതകളായിരുന്നു. ജെ കെ റൗളിങ്ങിൻ്റെ ഹാരി പോട്ടർ മാന്ത്രിക കഥകൾ വായിച്ചതോടെ എഴുത്തിലേക്ക് തിരിഞ്ഞു. നിരവധി ഇംഗ്ലീഷ് നോവലുകൾ വായിച്ചു തീർക്കുന്നതിനിടെ ബ്ലോഗിലൂടെ ഒരു കഥ തന്നെ പ്രസിദ്ധീകരിച്ചു.