രാമനാട്ടുകര അപകടം: സ്വർണക്കടത്ത് ബന്ധം അന്വേഷിക്കാൻ കസ്റ്റംസ് പ്രിവന്‍റീവ് സംഘം

സ്വർണക്കടത്ത്, ഡോളർ കടത്ത് കേസുകൾ അന്വേഷിച്ച കസ്റ്റംസ് പ്രിവന്‍റീവ് ഹെഡ്ക്വാർട്ടേഴ്സ് സംഘം രാമനാട്ടുകര അപകടത്തിനു പിന്നിലെ സ്വർണക്കടത്ത് അന്വേഷിക്കും

കോഴിക്കോട്: രാമനാട്ടുകരയിൽ 5 പേരുടെ മരണത്തിനിടയാക്കിയ വാഹനാപകടത്തിന് പിന്നിലെ സ്വർണക്കടത്ത് ബന്ധം അന്വേഷിക്കാൻ കസ്റ്റംസ് പ്രിവന്‍റീവ് സംഘം.

സ്വർണക്കടത്ത്, ഡോളർ കടത്ത് കേസുകൾ അന്വേഷിച്ച കസ്റ്റംസ് പ്രിവന്‍റീവ് ഹെഡ്ക്വാർട്ടേഴ്സ് സംഘമാണ് ഈ കേസിലും എത്തുന്നത്. അസി. കമ്മീഷണർ പി.ജി. ലാലുവിന്‍റെ നേതൃത്വത്തിൽ നടക്കുന്ന അന്വേഷണം ജോയിന്‍റ് കമ്മീഷണർ എം. വസന്തഗേശൻ മേൽനോട്ടം വഹിക്കും.

2.33 കിലോഗ്രാം സ്വർണവുമായി കസ്റ്റംസ് പിടികൂടിയ മൂർക്കനാട് സ്വദേശി മുഹമ്മദ് ഷഫീഖും രാമനാട്ടുകരയിലെ അപകടവും ബന്ധപ്പെടുത്തിയാണ് അന്വേഷണം ആരംഭിക്കുക. അപകടത്തിന് പിന്നാലെ അറസ്റ്റിലായ ചെർപ്പുളശ്ശേരി സംഘത്തിലെ 8 പേരെ കസ്റ്റംസ് സംഘം ചോദ്യം ചെയ്യും.