കോഴിക്കോട് :താമരശ്ശേരിയിൽ കാറുകൾ കൂട്ടിയിടിച്ച് പതിനൊന്ന് പേർക്ക് പരിക്ക്. താമരശ്ശേരി ചുങ്കം ജംഗ്ഷനോട് ചേർന്ന് മുക്കം റോഡിൽ ഇന്നലെ (ഒക്‌ടോബർ 20) രാത്രി ഏഴരയോടെയാണ് സംഭവം. മുക്കം ഭാഗത്ത് നിന്നും താമരശ്ശേരിയിലേക്ക് വരികയായിരുന്ന കാറും എതിർ ദിശയിൽ വന്ന കാറും കൂട്ടിയിടിച്ചാണ് അപകടമുണ്ടായത്.
മുക്കം ഭാഗത്തേക്ക് പോവുകയായിരുന്ന കാറിലെ യാത്രക്കാരായ മുക്കം കക്കാട് സ്വദേശികളായ നിഹ (10), സഫ്‌ന(35), മിഷാർ (4), സനൽ (23), ലുബാബ (15), മുജീബ് റഹ്മാൻ (43), ഫാത്തിമ ബത്തൂർ (12), ഹിബ ഫാത്തിമ (14), ഖലീൽ (3) ഓമശ്ശേരിയിൽ നിന്നും താമരശ്ശേരിക്ക് വരികയായിരുന്ന കാറിലെ താമരശ്ശേരി പി സി മുക്ക് സ്വദേശികളായ സിൽ (23), മുഹസിൻ (24) എന്നിവർക്കാണ് പരിക്കേറ്റത്.