ബസുകൾ കൂട്ടിയിടിച്ച് 17 പേർക്ക് പരിക്ക്

ബസുകളുടെ അമിതവേഗതയാണ് അപകട കാരണമെന്ന് നാട്ടുകാർ

കോഴിക്കോട്:മാവൂരില്‍ ബസുകൾ കൂട്ടിയിടിച്ച് 17 പേർക്ക് പരിക്ക്. പരിക്കേറ്റവരെ കോഴിക്കോട് മെഡിക്കൽ കോളജ് ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു.

ഇന്ന് രാവിലെ 8.05-ഓടെ മാവൂരിന് സമീപം ഊർക്കടവിലാണ് അപകടമുണ്ടായത്. കോഴിക്കോട്- എടവണ്ണപാറ റൂട്ടിൽ ഓടുന്ന മലബാർ ബസ് മാവൂർ- എടവണ്ണപ്പാറ റൂട്ടിലോടുന്ന ലൈഫ് ലൈൻ എന്നീ ബസുകളാണ് കൂട്ടിയിടിച്ചത്. ബസുകളുടെ അമിതവേഗതയാണ് അപകട കാരണമെന്ന് നാട്ടുകാർ ആരോപിച്ചു.