കോഴിക്കോട് :പ്രസാധന രംഗത്തെ പെൺകൂട്ടായ്‌മയായ 'സമത എ സെലക്‌ടീവ് ഫോർ ജെൻഡർ ജസ്റ്റീസ്' നൽകുന്ന 'ജൈവകീർത്തി' പുരസ്‌കാരം പ്രഖ്യാപിച്ചു. കൊടിയത്തൂർ വാലില്ലാപുഴ സ്വദേശിയായ 86കാരി ചെടിയമ്മ എന്ന അന്നമ്മ ദേവസ്യയാണ് പുരസ്‌കാരത്തിന് അർഹയായത്. ഇരുപതിനായിരം രൂപയും ഫലകവുമാണ് ഉപഹാരം.
നാട്ടുവൈദ്യ ചികിത്സയിലൂടെയും ഔഷധസസ്യ പരിപാലനത്തിലൂടെയും ഹരിത കേരളത്തിന്‍റെ അറിവുകളെ പുതുതലമുറയ്‌ക്ക് പകർന്നുനൽകിയതാണ് അന്നമ്മയെ ജൈവകീർത്തി പുരസ്‌കാരത്തിന് അർഹയാക്കിയത്.
സമതയുടെ 'ജൈവകീർത്തി' പുരസ്‌കാരം അന്നമ്മയ്‌ക്ക്
വാലില്ലാപുഴയിൽ അന്നമ്മയുടെ വീട്ടിൽ സമത മാനേജിങ് ഡ്രസ്റ്റി ഉഷാകുമാരിയുടെ അധ്യക്ഷതയിൽ തിരുവമ്പാടി എംഎൽഎ ലിന്‍റോ ജോസഫ് പുരസ്‌കാരം വിതരണം ചെയ്തു.