കോഴിക്കോട് : പ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം നടത്തിയ യുവാവ് പൊലീസ് പിടിയില്‍ ( Pocso case sccused arrested). കരുവാര കുണ്ട് കണ്ണത്ത് ചിലമ്പില കൈ മേലേടത്ത് ഷഹബാസ് ഖാനെയാണ് (23) മാവൂർ പൊലീസ് പോക്സോ കേസിൽ അറസ്‌റ്റ് ചെയ്തത്. മാവൂർ സ്വദേശിനിയായ വിദ്യാർത്ഥിനിയുടെ പരാതിയിലാണ് അറസ്‌റ്റ്.
ഇൻസ്റ്റഗ്രാം വഴി പരിചയപ്പെട്ട വിദ്യാർത്ഥിനിയെ പ്രലോഭിപ്പിച്ച് നിലമ്പൂരിൽ എത്തിക്കുകയായിരുന്നു പ്രതി. തുടർന്ന് ഒരു റിസോട്ടിൽ വച്ച് ലൈംഗികാതിക്രമത്തിന് ഇരയായാക്കിയെന്ന് പെൺകുട്ടി പൊലീസിൽ മൊഴി നൽകുകയായിരുന്നു. ഇതിന്‍റെ അടിസ്ഥാനത്തിലാണ് പോക്സോ കേസ് രജിസ്‌റ്റർ ചെയ്തത്.