കോട്ടയം: മേലുകാവ് ഇരുമാപ്രയില്‍ അജ്ഞാത മൃതദേഹം കണ്ടെത്തി. വെള്ളിയാഴ്‌ചയാണ് കോണിപ്പാട് ഇരുമാപ്ര റൂട്ടില്‍ പള്ളിക്ക് സമീപമുള്ള റോഡില്‍ നിന്നും 20 അടിയോളം താഴെ കൊക്കയില്‍ നിന്നും മൃതദേഹം കണ്ടെത്തിയത്. കമഴ്‌ന്ന് കിടക്കുന്ന നിലയിലായിരുന്നു മൃതദേഹം. മൃതദേഹത്തിന് സമീപം ഒരു കൈലിമുണ്ടും ഉണ്ടായിരുന്നു. മൃതദേഹം പ്ലാസ്റ്റിക്ക് കയറുകൊണ്ട് ചുറ്റിയിട്ടുണ്ട്. മറ്റെവിടുന്നെങ്കിലും കൊണ്ട് വന്നിട്ടതാണോയെന്നും സംശയമുണ്ട്. മൃതദേഹത്തിന് രണ്ട് ദിവസത്തോളം പഴക്കമുണ്ട്. ഫോറന്‍സിക് വിദഗ്‌ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി. മിസിങ് കേസുകള്‍ പൊലീസ് പരിശോധിച്ച് വരികയാണ്.
ദുരൂഹ സാഹചര്യത്തില്‍ അജ്ഞാത മൃതദേഹം കണ്ടെത്തി