കോട്ടയം: റെയില്‍വേ ട്രാക്ക് മുറിച്ച് കടക്കാന്‍ ശ്രമിക്കുന്നതിനിടെ ഭര്‍ത്താവിന്‍റെ കണ്‍മുന്നില്‍ ഭാര്യ ട്രെയിന്‍ തട്ടി മരിച്ചു. ഗാന്ധിനഗര്‍ സ്വദേശി സജി ജോര്‍ജിന്‍റെ ഭാര്യ ജൈനയാണ്(37) മരിച്ചത്. ബുധനാഴ്‌ച വൈകിട്ട് 5 മണിയോടെ ഗാന്ധിനഗറിനും അടിച്ചിറയ്ക്കും ഇടയിലാണ് സംഭവം.
കടയില്‍ പോയി വീട്ടിലേക്കുള്ള സാധനങ്ങള്‍ വാങ്ങി മടങ്ങുമ്പോള്‍ ട്രാക്ക് മുറിച്ച് കടക്കുന്നതിനിടെയാണ് അപകടമുണ്ടായത്. വലിയ ശബ്‌ദമില്ലാതെ അമിത വേഗത്തിലെത്തിയ ട്രെയിന്‍ എന്‍ജിനാണ് ജൈനയെ ഇടിച്ചിട്ടത്. ട്രാക്കിന് സമീപം ജൈനയെ കാത്ത് നില്‍ക്കുന്ന ഭര്‍ത്താവ് അപകട മുന്നറിയിപ്പ് നല്‍കിയെങ്കിലും ജൈനക്ക് രക്ഷപ്പെടാനായില്ല.