കോട്ടയം: പാലാ ടൗണ്‍ ബസ്സ്റ്റാന്‍ഡിലെ തകര്‍ന്നുവീണ വെയിറ്റിംഗ് ഷെഡ് പുനര്‍നിര്‍മാണ പ്രവര്‍ത്തനങ്ങള്‍ അവസാന ഘട്ടത്തിലെത്തി. 11 ലക്ഷം രൂപ മുടക്കിയാണ് പുതിയ കാത്തിരിപ്പ് കേന്ദ്രം നിര്‍മിക്കുന്നത്. തൂണുകളിൽ മേൽക്കൂര സ്ഥാപിച്ച് ഉയർത്തിയാണ് പുതിയ വെയിറ്റിംഗ് ഷെഡ് നിർമിക്കുന്നത്. 2017 നവംബര്‍ അഞ്ചിനാണ് വെയിറ്റിംഗ് ഷെഡ് കെട്ടിടം തകര്‍ന്നുവീണത്. കാലപ്പഴക്കമുള്ള ബസ്‌കാത്തിരിപ്പ് കേന്ദ്രം, കെ.എസ്.ആര്‍.ടി.സി ബസ് മുന്നോട്ടെടുത്തപ്പോള്‍ ബസ് തട്ടി നിലംപൊത്തുകയായിരുന്നു. വാഹനങ്ങൾ തട്ടാത്ത വിധം ഉയർത്തിയാണ് പുതിയ കാത്തിരിപ്പ് കേന്ദ്രം നിർമിക്കുന്നത്. നവംബറിലാണ് നിർമാണ ജോലികൾ ആരംഭിച്ചത്.
പാലാ ടൗണ്‍ ബസ്സ്റ്റാന്‍ഡിലെ വെയിറ്റിംഗ് ഷെഡ് നിർമാണം അവസാന ഘട്ടത്തിൽ