കോട്ടയം:നഗരസഭയുടെ ഒരു പരിപാടിയിലും പി.സി ജോര്‍ജ് എംഎല്‍എയെ പങ്കെടുപ്പിക്കില്ലെന്നും ഇതിന്‍റെ പേരില്‍ എന്തു നടപടിയും നേരിടാന്‍ തയാറാണെന്നും നഗരസഭാ ചെയര്‍മാന്‍ വി.എം സിറാജ്. ലൈഫ് കുടുംബസംഗമത്തില്‍ പങ്കെടുപ്പിക്കാത്തതിനെതിരെ പ്രിവിലേജ് മൂവ് ചെയ്യുമെന്ന പി.സി ജോര്‍ജിന്‍റെ നിലപാടിനോട് പ്രതികരിക്കുകയായിരുന്നു ചെയര്‍മാന്‍.
പി.സി ജോര്‍ജിനെ അടുപ്പിക്കില്ലെന്ന് ഈരാറ്റുപേട്ട നഗരസഭ
മുസ്ലീം സമുദായത്തെ ഒന്നടങ്കം ഭിന്നിപ്പിക്കാന്‍ ശ്രമിച്ചയാളാണ് പി.സി ജോര്‍ജ്. എംഎല്‍എയെ മാറ്റിനിര്‍ത്തണമെന്ന് കൗണ്‍സില്‍ ഒന്നടങ്കമാണ് തീരുമാനിച്ചത്. എംഎല്‍എ പങ്കെടുത്താല്‍ ലൈഫ് കുടുംബസംഗമത്തില്‍ കൗണ്‍സിലര്‍മാരും ഗുണഭോക്താക്കളും പങ്കെടുക്കില്ലായിരുന്നു. തനിയ്‌ക്കൊപ്പമുണ്ടെന്ന് പി.സി ജോര്‍ജ് അവകാശപ്പെടുന്ന കൗണ്‍സിലര്‍മാരെല്ലാം ലൈഫ് പദ്ധതി പരിപാടിയുടെ ആദ്യാവസാനം പരിപാടിയില്‍ പങ്കെടുത്തതായും ചെയര്‍മാന്‍ വ്യക്തമാക്കി.