കോട്ടയം:ജൂലൈ 28, ലോക പ്രകൃതി സംരക്ഷണ ദിനത്തിൽ വിത്തുരുളകൾ നിലത്തുപാകി കോട്ടയത്തെ സ്‌കൂള്‍ വിദ്യാർഥികൾ. വാഴൂർ എസ്.വി.ആർ.വി എൻ.എസ്.എസ് ഹയർ സെക്കന്‍ഡറി സ്‌കൂൾ നാഷണൽ സർവീസ് സ്‌കീം യൂണിറ്റാണ് 'തളിർക്കട്ടെ പുതുനാമ്പുകൾ' എന്ന പരിപാടി സംഘടിപ്പിച്ചത്. വാഴൂർ ഗ്രാമപഞ്ചായത്ത് പ്രസിഡന്‍റ് വി.പി റെജി ഉദ്‌ഘാടനം ചെയ്‌തു.
ലോക പ്രകൃതി സംരക്ഷണ ദിനത്തിൽ വിത്തുരുളകൾ നിലത്തുപാകി ലോക പ്രകൃതി സംരക്ഷണ ദിനത്തിൽ വിത്തുരുളകൾ നിലത്തുപാകി സ്‌കൂള്‍ വിദ്യാർഥികൾ
വാഴൂർ പഞ്ചായത്തിലെ എട്ടാം വാർഡിലെ കടക്കുഴിയിൽ വിത്തുരുളകൾ വിതച്ചായിരുന്നു ഉദ്‌ഘാടനം. വിവിധ ഫലവൃക്ഷങ്ങളുടെ 2,000 വിത്തുരുളകളാണ് നിക്ഷേപിച്ചത്. മണ്ണ്, ചാണകവുമായി കുഴച്ച് അതില്‍ വിവിധ ഫലവൃക്ഷങ്ങളുടെ വിത്തുവച്ച് ഉരുളകളാക്കി നടുന്നതാണ് ഈ രീതി. നല്ലൊരു നാളെയെ സൃഷ്‌ടിക്കാന്‍ വേണ്ടി പ്രകൃതിയെ സംരക്ഷിക്കുക എന്നതാണ് പദ്ധതിയുടെ ലക്ഷ്യമെന്ന് സംഘാടകര്‍ പറയുന്നു.