കോട്ടയം: സഹപാഠിക്ക് വീടൊരുക്കി ചേര്‍പ്പുങ്കല്‍ ഹോളീക്രോസ് ഹയര്‍സെക്കന്‍ഡറി സ്‌കൂള്‍ വിദ്യാർഥികള്‍ . പോക്കറ്റ് മണി മിച്ചം പിടിച്ചും മാതാപിതാക്കളോട് വാങ്ങിയും ക്ലാസ്മുറികളിലെ നാണയക്കുടുക്കകള്‍ നിറച്ചപ്പോള്‍ ആറു മാസം മുമ്പ് തുടങ്ങിയ 'ചങ്കിനൊരു വീട്, ചന്തമുള്ള കൂട് ' ഭവനപദ്ധതി യാഥാര്‍ഥ്യമായി. ജന്മദിനാഘോഷങ്ങള്‍ വരെ ഒഴിവാക്കിയായിരുന്നു കുട്ടികളുടെ സഹായപ്രവാഹം. കഴിഞ്ഞദിവസം നടന്ന ചടങ്ങില്‍ സ്‌കൂള്‍ മാനേജര്‍ റവ. ഫാ. ജോസ് അഞ്ചേരില്‍ താക്കോല്‍ കൈമാറ്റം നിര്‍വ്വഹിച്ചു.
'ചങ്കിനൊരു വീട്, ചന്തമുള്ള കൂട്'; നാണയക്കുടുക്കകള്‍ കൊണ്ട് കുട്ടികള്‍ തീര്‍ത്ത സ്‌നേഹവീട്