കോട്ടയം: സംസ്ഥാനത്തെ സ്‌പെഷ്യല്‍ സ്‌കൂളുകള്‍ അടഞ്ഞു കിടക്കുന്നത് വിദ്യാർഥികളുടെ ഭാവി അനിശ്ചിത്വത്തിലാക്കുന്നു. ഇത്തവണ എസ്.എസ്.എല്‍.സി പരീക്ഷ എഴുതേണ്ട വിദ്യാർഥികളുടെ ഭാവി അനിശ്ചിത്വത്തിലാണെന്ന് രക്ഷിതാക്കള്‍ ആരോപിക്കുന്നു.
സ്‌പെഷ്യല്‍ സ്‌കൂളുകള്‍ തുറക്കാൻ നടപടിയില്ല; വിദ്യാർഥികളുടെ ഭാവി അനിശ്ചിത്വത്തിൽ
ജനുവരി ഒന്ന് മുതലാണ് വീണ്ടും സ്‌കൂളുകളും കോളജുകളും തുറന്നത്. എന്നാല്‍ സ്‌പെഷ്യല്‍ സ്‌കൂളുകളില്‍ ഇത്തരം സംവിധാനങ്ങളൊന്നും ഒരുക്കിയിട്ടില്ലെന്നാണ് ആരോപണം ഉയരുന്നത്. വിദ്യാർഥികളുടെ ഈ വര്‍ഷത്തെ പഠനം എങ്ങുമെത്തിയിട്ടില്ല. വിക്‌ടേഴ്‌സ് ചാനല്‍ വഴിയുള്ള ഓണ്‍ലൈന്‍ ക്ലാസുകള്‍ വിദ്യാർഥികൾക്ക് പ്രയോജനപ്പെട്ടില്ലെന്നും രക്ഷാകര്‍ത്താക്കള്‍ ആരോപിച്ചു. അതിനാൽ തന്നെ പൊതു പരീക്ഷയില്‍ മാര്‍ക്ക് നേടാന്‍ ഈ വിദ്യാർഥികള്‍ക്ക് എത്രത്തോളം കഴിയുമെന്നതാണ് രക്ഷിതാക്കളുടെ ആശങ്ക.