കോട്ടയം:പാമ്പാടിയിൽ വൃദ്ധയായ മാതാവിനെ ക്രൂരമായി മര്‍ദിച്ച മകന്‍ അറസ്റ്റില്‍. മീനടം മാത്തുപ്പടി സ്വദേശിയായ വര്‍ഗീസ് തോമസാണ്(49) അറസ്റ്റിലായത്. മറിയാമ്മ തോമസിനാണ്(93) മര്‍ദനമേറ്റത്.
മദ്യപിച്ച് ലക്കുകെട്ട് വൃദ്ധ മാതാവിനെ ക്രൂരമായി മര്‍ദിച്ചു; മകന്‍ അറസ്റ്റില്‍ - kerala news updates
മാത്തുപ്പടി സ്വദേശിയായ വര്‍ഗീസ് തോമസാണ് അറസ്റ്റിലായത്. അമ്മ മറിയാമ്മ തോമസിനെ ഇയാള്‍ ക്രൂരമായി മര്‍ദിച്ചു. ഇയാളെ അറസ്റ്റ് ചെയ്‌തത് മറിയാമ്മയുടെ പരാതിയെ തുടര്‍ന്ന്.
അറസ്റ്റിലായ വര്‍ഗീസ് തോമസ്(49)
ഇന്നലെ വൈകിട്ടാണ് കേസിനാസ്‌പദമായ സംഭവം. മദ്യപിച്ച് വീട്ടിലെത്തിയ വര്‍ഗീസ് മറിയാമ്മയെ അസഭ്യം പറയുകയും മുഖത്ത് അടിക്കുകയും തല ഭിത്തിയില്‍ ഇടിക്കുകയും ചെയ്‌തു.
സംഭവത്തെ തുടര്‍ന്ന് മറിയാമ്മ പാമ്പാടി പൊലീസില്‍ പരാതി നല്‍കി. പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് ഇയാളെ അറസ്റ്റ് ചെയ്‌തത്. പാമ്പാടി സ്റ്റേഷൻ എസ്.എച്ച്.ഒ സുവർണ്ണകുമാർ, എസ്.ഐ അംഗദൻ, കൊളിൻസ്, സി.പി.ഒ ദയാലു എന്നിവർ ചേർന്നാണ് പ്രതിയെ അറസ്റ്റ് ചെയ്‌തത്.