കോട്ടയം: ഗവർണർക്കെതിരെ എം ജി സർവകലാശാല ക്യാമ്പസിനുള്ളിൽ പ്രകടനം നടത്തി എസ്എഫ്ഐ. 'ചാൻസലറിസം അല്ല ഇത് ജനാധിപത്യമാണ്' എന്ന് എഴുതിയ ബാനര്‍ ഉയര്‍ത്തിയായിരുന്നു എസ്എഫ്ഐയുടെ പ്രതിഷേധം. സർവകലാശാല യൂണിയൻ വിജയാഘോഷത്തിന്‍റെ ഭാഗമായി നടത്തിയ പ്രകടനത്തില്‍ ഗവർണർ സംഘപരിവാറിന്‍റെ ചട്ടുകമാണെന്നും ചാൻസലറുടെ കുപ്പായമിട്ട് മോഹൻ ഭഗവതിന്‍റെ തീരുമാനം നടപ്പാക്കാനാണ് ഗവർണറുടെ തീരുമാനമെങ്കിൽ സർവകലാശാലയിൽ കാലുകുത്താൻ അനുവദിക്കില്ലെന്നും എസ്എഫ്ഐ സംസ്ഥാന സെക്രട്ടറി പി എം അർഷോ പറഞ്ഞു.
ഗവർണർക്കെതിരെ എസ്എഫ്ഐയുടെ പ്രതിഷേധം