കോട്ടയം: കിടങ്ങൂര്‍ മീനച്ചിലാറ്റില്‍ കാണാതായ യുവാവിനായുള്ള തെരച്ചില്‍ തുടരുന്നു. ഇന്നലെ വൈകിട്ട് ആറരയോടെയാണ് ചേര്‍പ്പുങ്കല്‍ കളപ്പുരയ്ക്കല്‍ മനേഷ് സെബാസ്റ്റ്യനെ ഒഴുക്കില്‍പ്പെട്ട് കാണാതായത്. ഫയര്‍ഫോഴ്‌സ്, സ്‌കൂബ ഡൈവേഴ്‌സ് സംഘങ്ങള്‍ ചേര്‍ന്ന് സംയുക്തമായാണ് തെരച്ചില്‍. കാവാലിപ്പുഴ ഭാഗത്തായിരുന്നു സംഭവം.
മീനച്ചിലാറ്റില്‍ കാണാതായ യുവാവിനായി തെരച്ചില്‍ തുടരുന്നു മനീഷും സുഹൃത്തുക്കളും ചേര്‍ന്ന് മീനച്ചിലാറ്റില്‍ ഒഴുകിവന്ന തടി പിടിക്കാന്‍ ശ്രമിക്കുകയായിരുന്നു. തിരികെ നീന്തുന്നതിനിടെ ഒഴുക്കില്‍പ്പെട്ടു. ഒപ്പമുണ്ടായിരുന്ന ജിതീഷ്, റിനു എന്നിവര്‍ കരക്കെത്തിയെങ്കിലും മനീഷിനെ ഒഴുക്കില്‍പ്പെട്ട് കാണാതായി. ഇന്നലെ രാത്രി വൈകിയും തെരച്ചില്‍ നടത്തിയെങ്കിലും കണ്ടെത്താനാവാത്തതിനെ തുടര്‍ന്ന് തെരച്ചില്‍ നിര്‍ത്തിവെച്ചു. നാട്ടുകാരുടെ നേതൃത്വത്തിലും തെരച്ചില്‍ നടത്തുന്നുണ്ട്.
