കേരളം

kerala

ETV Bharat / state

ശബരിമല കാനന പാതയടച്ചതിൽ ഗൂഢാലോചനയെന്ന് മലയരയ മഹാസഭ - sabharimala forest road

കാനന പാതയടച്ചതിൽ പ്രതിഷേധിച്ച് വൃശ്ചികം ഒന്നിന് 41 കേന്ദ്രങ്ങളിൽ പ്രതിഷേധ കൂട്ടായ്‌മ സംഘടിപ്പിക്കാനാണ് മലയരയ മഹാസഭയുടെ തീരുമാനം

sabharimala forest road blocked  ശബരിമല കാനനപാത  ശബരിമല കാനനപാത ഗൂഢാലോചന  മലയരയ മഹാസഭ  മലയര ക്ഷേത്രങ്ങൾ  sabharimala forest road  Conspiracy in sabharimala road
ശബരിമല

By

Published : Nov 13, 2020, 4:25 PM IST

കോട്ടയം: ശബരിമല തീർഥാടനത്തിനുള്ള പരമ്പരാഗത കാനന പാത അടച്ചതിൽ പ്രതിഷേധവുമായി മലയരയ മഹാസഭ രംഗത്ത്. കൊവിഡ് നിയന്ത്രണങ്ങളെ മറയാക്കി കാനന പാതയടക്കാൻ തീരുമാനിച്ചതിന് പിന്നിൽ ഗുഢാലോചനയുണ്ടെന്ന് മലയരയ മഹാസഭ ആരോപിച്ചു. സന്നിധാനത്തേക്കുള്ള ഈ പാത സ്ഥിരമായി അടക്കുന്നതിലൂടെ ദേവസ്വം ബോർഡിൻ്റെ അമ്പലങ്ങളിൽ മാത്രം വരുമാനം ലഭിക്കാനുള്ള നീക്കമാണ് നടക്കുന്നത്.

കാനനപാതയിലുള്ള അതിപുരാതന ക്ഷേത്രങ്ങളാണ് കല്ലിടാംകുന്ന്, എണ്ണയ്ക്കാവള്ളി അമ്പലം, പുതുശ്ശേരി, മായോക്കി, കരിമല അരയൻ കല്ലറ, കരിമല അമ്പലം, പുലിയള്ളിറിക്കം, ചെറിയാനവട്ടം, വലിയാനവട്ടം എന്നിവ. മണ്ഡലകാലത്ത് ഈ ആരാധനാലയങ്ങളിൽ വിശേഷാൽ പൂജകൾ ചെയ്താണ് ഭക്തർ ശബരിമലയിലെത്തുന്നത്. കാനന പാത അടക്കുന്നതോടെ നിത്യപൂജകൾ പോലും മുടങ്ങുന്ന അവസ്ഥയുണ്ടാകുമെന്നും മലയരയർ ആരോപിക്കുന്നു. മലയരയ ക്ഷേത്രങ്ങൾക്ക് ലഭിക്കേണ്ട വരുമാനം ഇല്ലാതാക്കാനുള്ള നീക്കമാണ് ദേവസ്വം ബോർഡ്‌ നടത്തുന്നതെന്നും ഇവർ പറയുന്നു.

ABOUT THE AUTHOR

...view details